Die Storieman: C.S. Lewis : Derick Bingham

A5, 94p. Woordwaarheid Kinderreeks

Avonture in ander wêrelde en geheimenisvolle stories – dit het die jong Clive Staples Lewis gefassineer. Hoewel hy nog maar ‘n klein seuntjie was, kon hy vir ure lank stories sit en uitdink van diere wat lewendig geword het en soos mense gelewe en gepraat het. Sy skoolloopbaan was nie met rose besaai nie, maar hy het groot geword om die wêreld se bekende skrywer, C.S. Lewis te word – hoewel hyself verkies het om as Jack bekend te staan.