Om in woorde te woon – Albert Kloppers

A5, 108p.

Om in woorde te woon dek die totale oeuvre van die digter en oorspan baie dekades en lewensfases. Die bundel verwoord ‘n verskeidenheid temas, waaronder poëtiese vakmanskap en kunstenaar-wees, liefde en verhoudinge, die natuur en seisoene, reiservarings, besinning oor mense, die lewe en menswees, die groeiproses, ewigheidsperspektiewe en gesprekke met God.

Vanweë die digter se liefde vir die woordkuns en deelname aan verskeie voordragprogramme is die gedigte so gekies dat dit goedskiks saam met ander genres van die woordkuns by sulke programme ingesluit kan word.

Verskeie van die gedigte in hierdie bundel het in Tydskrif vir Letterkunde en in publikasies van Die Woordgilde (waarvan hy lid is) verskyn en is deur Cecilia van Tonder getoonset en met groot sukses deur, onder andere, die Nonet-ensemble, by verskeie konserte gesing.

Die digter spreek die wens uit dat hierdie gedigte in mense se harte sal resoneer om van ons wêreld ‘n mooier plek te maak.