Inkspraak 2 – Volwasse Digters

A5, 582p.

VIER-HONDERD-EN-90

sewentig maal sewe

sal ons die wang móét draai

ons onmag besef

voor die haan vir oulaas kraai

lente somer herfs en winter

seisoene wat ons lewe tooi

wind water vuur en grond

die chaos van ons bestaan –

die hand teen die muur

méne méne tékel ufarsin

het dit reeds vir ons vertaal:

staan dan vas

op dié kronkelpad

uit rots vir ons

op Kruishout vasgeslaan

©Anzé Bezidenhout