Die Pad van Geloof: Manne in die Bybel – Luzette Jackson

A5, 168p.

Die Pad van Geloof: Manne in die Bybel neem jou op ’n betekenisvolle reis deur die lewens van manne soos Adam, Noag, Abraham, Josef, Moses, Dawid, Elia, Daniël, Petrus, Paulus en vele ander. Hulle was mense van geloof, maar ook mense met vrese, vrae, mislukkings, swakhede en worstelinge—mense soos ek en jy. In hierdie boek ontdek jy dat die Bybel nie net vertel van helde uit die verlede nie, maar van lewens wat vandag nog met jou hart praat. Elke verhaal wys hoe Yahweh roep, vorm, herstel en gebruik. Jy sal sien hoe Hy werk deur gehoorsaamheid, deur wagtydperke, deur lyding, deur gebrokenheid en selfs deur mislukking. Hierdie is ’n boek vir elkeen wat die Bybel dieper wil verstaan, geloof wil versterk en opnuut wil ontdek dat Yahweh steeds met mense werk. Dit nooi jou om nie net na hierdie manne se lewens te kyk nie, maar ook na jou eie reis met God.

Bo alles wys elke verhaal heen na Yahshua Messiah—die Een in wie God se beloftes vervul word, waar gebrokenheid herstel word, en waar ware hoop, identiteit en roeping gevind word. As jy al ooit gevoel het dat jou lewe te gewoon, te gebroke of te onvolmaak is om deur God gebruik te word, sal hierdie boek jou herinner: Yahweh soek nie volmaakte mense nie—Hy vorm gewillige harte. ’n Reis deur Bybelse lewens, ’n Ontmoeting met God se genade, ’n Uitnodiging om self die pad van geloof te stap.