Moord met voorbedagte rade – Miles Griffiths

A5, 299p.

Moord met Voorbedagte Rade vertel die verhaal van Gwyn Davies se soeke na die motief vir die moord op haar pa, GT Davies. Hy was die hoofsegsman vir maatskappye wat skaliegasontginning in die Karoo ondersoek. ’n Terreurbomaanval in Kenia eis die lewe van sy vrou, Marinda. GT oorleef die aanval, maar vier jaar later word hy in sy huis in Krugersdorp vermoor. Die SAPD glo dis gewone huisroof, maar Gwyn is oortuig dat daar meer agter die moord skuil. In haar ondersoek word ’n web van leuens ontbloot wat haar op die spoor van die werklike moordenaar plaas. Wanneer haar eie verdagte leefstyl onder die soeklig kom, word sy uitgedaag om haar hele lewe te verander.