Misava leyi yi hi rhendzeleke : Joan Groenewald

A5, 85p. Xitsonga

Vuhlonga! Hambileswi byo ka byi nga ha pfumeleriwangiki na ku va nawu wu vula leswaku munhu un’wana na un’wana loyi a kumekaka ari karhi a ya emahlweni ku va a hlongisa vanhu van’wana u faneriwile hikuva voko ra nawu rin’wi boha, kambe ntolovelo lowu kumbe maendlelo lawa ya ha ya emahlweni. Wu khumbha vutomi bya miliyoni ya vanhu. Tani hi vanhu hi hlawula ku ka hi nga tekeli enhlokweni vubihi na vuxanisi lebyi byi vangaka hi maendlelo lawa hikuva a swi olovi ku va hi vulavula hi wona. Miliyoni! Ina, miliyoni ya vanhu lava va nga hava nandzu va ha xavisiwa na nyamunthla sweswi. Maendlelo lawa yo khomisa tingana ya fanerile ku va ya humeseriwa erivaleni na ku amukeriwa leswaku ya kota kuva ya herisiwa. Hikokwalaho ka maendlelo layo biha na mafambiselo ya migingiriko leyi emunyameni vaaka tiko a va swikoti ku lemuka tisayini ta wona lomu va tshamaka kona. Buku leyi yi tirhisa ndlela ya mahlamuselelo ya switori leswi ntsongo ya leswi munhu a faneleke ku swi tekela enhlokweni loko swi fika eka migingiriko ya vutlhakisi. Tihlayise, u hlayisa na varhandziwa va wena u thlela u pfula na mahlo ya wena ku kota ku vona swihlawulekiso swa migingiriko leyi ya nghozi. Muehleketeleriwa a nga va un’wana wa va dyangu wa wena, munghana, muaka tiko kuloni, kumbe munhu un’wana na un’wana loyi u nga hlanganaka na yena exitarateni. Hundzisela vutivi lebyi eka vanhu van’wanyana. Swi nga ponisa vutomi. Loko u nga byi hundzisi… vaxanisiwa va nga kota ku hanya xana?