Kolskoot uit die Woord – Smittie Kotzè

A5, 478p.

Kort riglyne of oordenkings as pitkos vir elke dag

Kolskoot uit die Woord is nie ’n tradisionele dagstukkie nie. Kolskoot uit die Woord het toerusting en geestelike groei ten doel. Dit vra dat jy met ’n leerbare gees en die begeerte om elke genoemde teks te lees aanmeld. Kolskoot uit die Woord wil die Woord interessant, eenvoudig en verstaanbaar aanbied sodat jy die heerlikheid an delf in die Woord ontdek. Wandel daagliks in die Woord en gebruik dit as maatstaf vir die lewe. Gehoorsaam God se Woord. Lees dit daagliks, maar die belangrikste is om dit te leef. God Drie-enig verwag niks minder van ons nie. Ek besef meer en meer dat tyd wat ek in die Woord spandeer my help om God se hart te ontdek en my sterk maak om die draaiballe van die lewe te hanteer. Deur tyd in die Woord te spandeer gee jy die Heilige Gees kans om jou in die Waarheid te onderrig en stadig maar seker herskep Hy jou tot dit wat God jou bedoel het om te wees. Deesdae is ek verslaaf aan die Woord. As ek nie tyd in die Woord spandeer het nie voel ek soos ’n drawwer wat sy oggend draf gemis het. Geniet die Woord! Die Woord is vars en lewegewend.