Ek wil nie die kaarte hê nie – Roelf Opperman

206 x 206, 93p.

Op 23 Januarie 2015 is Ds. Claudi le Roux, Roelf en Antoinette Opperman se dogter na ‘n fratsongeluk oorlede. In sy stryd om sin te maak van alles het Roelf Opperman hierdie boek geskryf.

Die boek gaan egter oor baie meer as net die dood van ‘n kind.

• Dit gaan oor die heelword na enige trauma in jou lewe.
• Dit gaan oor ‘n veerkragtigheid om te oorleef na ‘n egskeiding of die ontdekking van ‘n kankergewas.
• Dit gaan oor die heelword in jou menswees na jou besigheid bankrot gespeel het of nadat een van jou ledemate afgesit is.
• Dit gaan oor die herstel na trauma en ook hoedat jy ander mense wat deur trauma is, kan bystaan.
• Dis ook ‘n boek vir terapeute en mense wat nie altyd mooi raad het hoe om iemand wie se lewenskaarte geskommel is en wie se lewens as gevolg van verlies uitmekaar geskeur het, te hanteer nie.