Boksemdice – Anne-Marie Bartie

A5, 282p.

Bella is 35 jaar oud en sit saam met haar man in die sielkundige se spreekkamer. Sy het by hom beland omdat daar agtergekom is hoe sy haar gewig beheer. Na ’n jarelange stryd van eetversteurings het sy uiteindelik die punt bereik waar die waarheid uit haar losskeur.

Vir jare al worstel sy met die monster wat hom tuisgemaak het binne haar, wat haar manipuleer en stelselmatig vernietig, vanaf daardie dag toe ’n ou man, wat soos ’n oupa vir haar was, haar onskuld gesteel en haar kinderlewe onherroeplik verander het.

Boksemdice handel oor die kwessie van kindermolestering wat in konteks gebring word met eetversteurings soos bulimie en anoreksie, asook die vroeëre ontkenning daarvan deur die breë gemeenskap.